Raza Musani 
تل ابیب : غزہ کی جنگ میں اسرائیل کا معاشی نقصان گذشتہ سال کے اختتام تک سڑسٹھ ارب ڈالر سے تجاوز کرگیا۔
اسرائیلی کاروباری اخبار کالکالسٹ نے جنگی اخراجات سے متعلق اعداد و شمار جاری کیے ہیں جو بینک آف اسرائیل کے تخمینے کی عکاسی کرتے ہیں۔ اس میں براہ راست فوجی اخراجات، شہری اخراجات اور محصولات کے نقصانات شامل ہیں۔ تاہم یہ مکمل مالی اثرات کی عکاسی نہیں کرتے ہیں۔
رپورٹ میں اخراجات کو بھاری بوجھ کے طور پر بیان کیا گیا ہے اور جنگی کوششوں کی ناکامی پر تنقید کی گئی ہے۔ جبکہ اگلی دہائی کے دوران اسرائیل کے دفاعی بجٹ میں خاطر خواہ اضافے کی ضرورت کو اجاگر کیا گیا ہے۔ رپورٹ میں ناگل کمیٹی کی ایک حالیہ سفارش کا بھی ذکر کیا گیا، جس میں دفاع کے لئے سات ارب ڈالر کے سالانہ اضافے کے ساتھ ساتھ اگلی دہائی کے دوران اضافی چوہتر ارب کی تجویز پیش کی گئی۔
