غزہ کو مسلسل خوفناک صورتحال کا سامنا ہے، دنیا طوفان کی زد میں ہے، انتونیو گوتریس

نیویارک: اقوام متحدہ کے سیکرٹری جنرل انتونیو گوتریس نے کہا ہے کہ غزہ کو مسلسل خوفناک صورتحال کا سامنا ہے، دنیا طوفان کی زد میں ہے۔ اقوام متحدہ کی جنرل اسمبلی کے 79 ویں سالانہ اجلاس سے خطاب کرتے ہوئے عالمی ادارے کے سربراہ نے دنیا میں سزا سے استثنیٰ کے رجحان پر تنقید کی۔ انہوں نے کہا کہ ہمیں ایسے چیلنجز کا سامنا ہے جن کا اس سے پہلے کبھی سامنا نہیں ہوا۔ ہمیں ایسے چیلنجز کا حل نکالنا ہے۔ انھوں نے مزید کہا کہ عالمی سطح پر سزا سے چھوٹ کا رجحان اخلاقی طور پر ناقابل برداشت ہے۔ سزا سے استثنیٰ اور عدم مساوات کے رجحانات دنیا کے لیے بڑھتا ہوا خطرہ ہیں۔ انتونیو گوتریس نے کہا کہ کشیدگی اور تشدد میں اضافے سے اب لبنان بھی جنگ کے دہانے پر ہے۔ سیکریٹری جنرل نے کہا فلسطینیوں کے خلاف اجتماعی سزا بلاجواز ہے.