Raza Musani 
غزہ : اسرائیلی فوج نے جنوبی، شمالی اور وسطی غزہ میں پناہ گزین کیمپوں پر بمباری کی ہے۔ غزہ میں اسرائیلی مظالم جاری ہیں۔ اسرائیلی فوج نے المواصی، البریج، دیرالبلاح اور بیت الاحیہ میں پناہ گزین کیمپوں پر بمباری کی ہے جس میں مزید 38 فلسطینی شہید ہوگئے۔ خان یونس میں ایک گھر پر حملے میں الجبار خاندان کے سات افراد شہید ہوگئے۔ اسرائیلی فوج نے غزہ میں بھوک سے پریشان بچوں کو خوراک فراہم کرنے والے مرکز پر بمباری کردی جس میں بیس بچے شہید ہوگئے ہیں۔ دیرالبلاح اور بیت الاحیہ پر اسرائیل نے میزائل حملے کیے ہیں جس میں آٹھ فلسطینی شہید ہوگئے ہیں۔ فلسطینی محکمہ صحت کے مطابق اسرائیلی حملوں میں شہدا کی مجموعی تعداد جمع کرنا انتہائی دشوار ہو جاتا ہے صرف اسپتالوں سے ملنے والے ذرائع سے اموات کی تصدیق ہوتی ہے۔غزہ میں یومیہ اموات جاری کردہ اعداد و شمار سے کہیں زیادہ ہوتی ہیں۔
