Raza Musani 
ماسکو: روسی صدر ولادیمر پیوٹن نے یکم اپریل سے روسی گیس کی ادائیگی روبل میں کرنے کے احکامات پردستخط کردیے۔ روسی بینکوں میں روبل کرنسی میں کھاتے کھولنا ہوں گے۔ ان اکاؤنٹس ہی سے گیس کی ترسیل کے لیے رقوم ادا کی جائیں گی۔
پیوٹن نے کہا کہ روس کیخلاف معاشی جنگ سال قبل شروع ہوگئی تھی۔ پابندیوں کا مقصد اس کی ترقی کو نقصان پہنچانا ہے ۔امریکا عالمی عدم استحکام سے منافع کمائے گا۔اگر روبل میں گیس کی قیمت ادا نہیں کی جاتی تو معاہدے معطل کردیے جائیں گے۔روسی صدر نے کہا کہ کسی کو خیراتی مال کے طور پر کچھ نہیں دیں گے۔ معاہدے معطل کردئے جائیں گے۔ مغربی کمپنیوں اور حکومتوں نے صدر پوتین کے روبل میں ادائی کی شرط کو موجودہ معاہدوں کی خلاف ورزی قراردیتے ہوئے مسترد کردیا ہے۔
