Raza Musani 
واشنگٹن : یمن کے مفرور صدر منصور ہادی کو سعودی حکام نے اپنے خود ساختہ اختیارات ایک نئے قائم کردہ ادارے کے حوالے کرنے پر مجبور کیا کیونکہ سات سال سے جاری جنگ انہیں دوبارہ اقتدار میں لانے کے مقاصد حاصل کرنے میں ناکام رہی۔ یہ دعویٰ امریکی اخبار وال اسٹریٹ جرنل نے اپنی ایک رپورٹ میں کیا۔ اخبار کے مطابق سعودی ولی عہد محمد بن سلمان نے ہادی کواپنے اختیارات کونسل کو منتقل کرنے کا تحریری حکم دیا۔ ہادی نے اس حکم پر عمل درآمد اس وقت کیا جب بعض سعودی حکام نےانہیں دھمکی دی کہ وہ ان کی بدعنوانی کےثبوت سامنے لے آئیں گے۔اخبارکے مطابق سعودی حکام نے منصور ہادی کو ریاض میں اس کے گھر تک محدود کر رکھا ہے اور جس دن سے اس نے استعفیٰ دینے کا اعلان کیا ہے اسے فون تک رسائی سے انکار کر دیا ہے۔
