Raza Musani 
تہران: ایرانی وزیر خارجہ عباس عراقچی نے کہا ہے کہ اگر دنیا سریبرینیکا کے قتل عام سے سبق سیکھتی تو ہم غزہ میں مسلمانوں کی ایک اور نسل کشی نہیں دیکھتے۔ سریبرینیکا کے قتل عام کی 30 ویں برسی کے موقع پر بیان میں عباس عراقچی نے گیارہ جولائی کو ان لوگوں کے لیے شرم کا دن قرار دیا جو ہزاروں بے گناہ مسلمانوں کے قتل عام میں شریک تھے یا خاموش رہے۔ انہوں نے کہا کہ ایران ہمیشہ مظلوموں کے ساتھ کھڑا رہے گا چاہے وہ بوسنیا اور ہرزیگوینا میں ہوں یا فلسطین میں۔ عباس عراقچی نے کہاکہ تہران وقار اور باہمی احترام کی بنیاد پر امریکہ کے ساتھ دوبارہ مذاکرات شروع کرنے کے لیے تیار ہے۔ انہوں نے کہا کہ امریکہ کو پہلے اپنے رویے میں تبدیلی لانی چاہیے اور اس بات کی ضمانت دینا چاہیے کہ وہ مذاکرات کے دوران ایران کے خلاف مزید فوجی حملے نہیں کرے گا۔
