Raza Musani 
پیرس : فرانسیسی حکومت نے اسلام میں اصلاحات لانے کیلئے نیا ادارہ فورم آف اسلام ان فرانس تشکیل دے دیا۔ ادارے کا مقصد فرانس اور اس کے 50 لاکھ مسلمانوں کو محفوظ اور غیر ملکی اثر و رسوخ سے محفوظ رکھنا قرار دیا گیا ہے یہ ادارہ اس بات کو یقینی بنائے گا کہ فرانس میں مسلمان عام زندگی میں سیکولرازم پر عمل پیرا ہوں جو کہ فرانس کی پسندیدہ روایت ہے۔ فرانسیسی وزارت داخلہ کی جانب سے تشکیل دیا گیا یہ ادارہ فرانسیسی کونسل آف مسلم فیتھ کی جگہ لے گا جو 2003 میں سابق صدر نکولس سرکوزی نے قائم کیا تھا جو اس وقت کے وزیر داخلہ تھے، اس کونسل نے حکومت اور مذہبی رہنماؤں کے درمیان مکالمے کے لیے کام کیا۔ وزیر داخلہ جیرالڈ ڈرمینین کے مطابق یہ کونسل اب مسلم کمیونٹی اور فرانسیسی معاشرے میں اپنا مطلوبہ کردار ادا نہیں کر رہی کیونکہ یہ حالیہ برسوں میں ہونے والے ان حملوں کا شکار رہی جس میں سینکڑوں افراد مارے گئے۔ انہوں نے کہا کہ اسلام پر (غیر ملکی اثر و رسوخ) کو ختم کر کے ایک انقلاب کا آغاز کرنا چاہتے ہیں، اسلام فرانس میں غیر ملکیوں کا مذہب نہیں ہے بلکہ ایک فرانسیسی مذہب ہے جسےغیر ملکی پیسے یا بیرون ملک موجود کسی بھی اتھارٹی پر انحصار نہیں کرنا چاہیے۔ نئے ادارے میں امام مسجد، سول سوسائٹی کی بااثر شخصیات، ممتاز دانشور اور کاروباری رہنما شامل ہوں گے۔ادارے کے تمام اراکین حکومت کی جانب سے منتخب کیے گئے ہیں اور چوتھائی حصہ خواتین پر مشتمل ہوگا۔ اس منصوبےمیں ایمانوئل میکرون نے ترکی، مراکش یا الجیریا سے اماموں کو لانے کی بجائے فرانس میں انہیں تربیت دینے جیسے اقدامات کا تصور پیش کیا ہے جسے مسلم کمیونٹی میں بہت سے لوگوں کی جانب سے تائید حاصل ہے۔
