Raza Musani 
اسلام آباد : فرانس نے پاکستان میں سیلاب زدگان کی مدد کیلئے بین الاقوامی ڈونرز کانفرنس کی میزبانی کی پیشکش کردی۔ پاکستانی دفترخارجہ کے ترجمان عاصم افتخار احمد نے کہا ہے کہ ڈونرز کانفرنس کے انعقاد پر اقوام متحدہ کے سیکریٹری جنرل نے پاکستان سے عزم کر رکھا ہے ۔ ابھی کانفرنس کے مقام اور وقت کے حوالے سے بات چیت جاری ہے تاہم فرانس نے میزبانی کی پیشکش کی ہے۔اقوام متحدہ کے ساتھ مل کر فلیش اپیل منگل کو دوبارہ لانچ کریں گے، یہ نظرثانی شدہ اپیل یورپی یونین میں دوبارہ لانچ کی جائے گی۔ چین نے سیلابی صورتحال میں پاکستان کی بہت مدد کی ہے۔ وزیراعظم نے نیویارک کے دورے میں سیلاب پر عالمی برادری کی توجہ مبذول کرائی۔
