Raza Musani 
نیویارک: اقوام متحدہ کی خصوصی نمائندہ برائے فلسطین فرانسسکا البانیز نے غزہ میں اسرائیلی فوج پر نسل کشی کا الزام عائد کیا ہے۔ مقبوضہ فلسطینی سرزمین میں انسانی حقوق کی صورتحال پر اقوام متحدہ کی خصوصی نمائندہ فرانسسکا البانی نے ایک بار پھر کہا ہے کہ بین الاقوامی برادری کی جانب سے اسرائیلی جرائم کو روکنے میں ناکامی نے اسرائیل کو نسل کشی کی کھلی چھٹی دے دی ہے۔ فرانسسکا نے کہا کہ غزہ میں نسل کشی اسرائیل کے جرائم کو دہائیوں سے نظرانداز کرنے کا کا نتیجہ ہے۔ اس تاریک گھڑی میں، عالمی برادری اس بات کو نظر انداز نہیں کر سکتی کہ یہ اسرائیل کا منصوبہ ہے کہ وہ بین الاقوامی قانون کی خلاف ورزی کرتے ہوئے فلسطین کو فلسطینیوں سے خالی کردے، اور دنیا کی جانب سے اسرائیل سے حساب لینے میں ناکامی نے غزہ میں نسل کشی کو اسرائیل کے لیے آسان بنادیا ہے۔
