Ilyas 
بچوں کے موبائل یا ٹیبلٹ کا استعمال کس نوعیت کا ہونا چاہیے
میڈیا سے آگاہی نہ ہونا اور بچے کو سوشل میڈیا کی دنیا میں کسی قسم کی پابندی کے بغیر آزاد چھوڑ دینا بالکل صحیح نہیں ہے۔ بنیادی طور پر والدین اس میدان میں بچوں کے لیے منصوبہ بندی کریں۔ بچوں پر نظارت کرنے کا سنہری دورانیہ پندرہ سال کی عمر تک کا ہے۔
ایک ماں کا سوال ہے کہ جب کبھی ہم دعوتوں میں شرکت کرتے ہیں اور دیکھتے ہیں کہ دوسرے بچوں کے پاس موبائل یا ٹیبلٹ ہے لیکن میرے بچے کے پاس نہیں تو وہ کہیں احساس کمتری کا شکار نہ ہو جائے یا اس کی خود اعتمادی کو ٹھیس نہ پہنچے؟!
اس کا حل یہ ہے کہ موبائل فون خریدیں لیکن اسے بچے کی ملکیت میں نہ دیں بلکہ اس کا کنٹرول اور ملکیت والدین کے ہاتھ میں ہو
مثلا بچے کو فون دیں اور اسے کچھ وقت کے لیے کھیلنے کو کہیں یعنی موبائل کے استعمال کا وقت مقرر ہونا چاہیے۔
اگر ایسا نہ کیا گیا تو حال اس ماں کی طرح کا ہو گا جو روتے ہوئے بیان کر رہی تھی کہ ہمیں ابھی پتہ چلا کہ ہمارا بچہ نامناسب تصاویر اور ویڈیوز دیکھتا ہے۔
ایسا ہرگز نہ ہوتا اگر بچے کو کھلے عام اجازت نہ دی گئی ہوتی اور اس کی باگ ڈور اپنے ہاتھ میں ہوتی۔ اگر بچہ موبائل یا ٹیبلٹ کا مالک نہ ہو تو اس کی اس میدان میں راہنمائی کرنا آسان ہو جاتی ہے۔
