لکی مروت میں مقابلہ، 6 دہشت گرد ہلاک

لکی مروت: خیبر پختون خوا کے ضلع لکی مروت میں کاؤنٹر ٹیررازم ڈپارٹمنٹ سے مقابلے میں 6 دہشت گرد مارے گئے۔ محکمۂ انسدادِ دہشت گردی کا دہشت گردوں سے مقابلہ لکی مروت کے علاقے ڈاڈیوالہ میں ہوا۔ سی ٹی ڈی حکام کے مطابق ہلاک دہشت گردوں کے قبضے سے اسلحہ اور بارودی مواد برآمد ہوا ہے۔سی ٹی ڈی حکام کا کہنا ہے کہ ہلاک دہشت گرد سیکیورٹی فورسز پر حملوں اور دہشت گردی میں ملوث تھے۔