Raza Musani 
بغداد : عراق کی الصدر تحریک کے رہنما مقتدی صدر نے سابق وزیراعظم نوری المالکی سمیت مختلف سیاسی رہنماؤں سے رابطے کیے ہیں۔عراقی ذرائع کا کہنا ہے کہ مقتدی صدر نے، دولت قانون الائنس کے سربراہ نوری المالکی، کردستان ریجن کے سربراہ مسعودی بارزانی، اسپیکر محمد حلبوسی اورالسیادہ الائنس کے سربراہ خمیس الخنجر کو ٹیلی فون کرکے ملک کی تازہ ترین سیاسی صورتحال پر تبادلہ خیال کیا۔ اس سے پہلے متعدد شیعہ جماعتوں پرمشتمل اہم اتحاد، شیعہ کوآرڈی نیشن کمیٹی نے بھی الصدر تحریک سے رابطے کیے تھے اور اکثریتی پارلیمانی گروپ کے قیام پر بات چیت کی تھی حالیہ پارلیمانی انتخابات میں الصدر تحریک نے 329 کے ایوان میں سب سے زیادہ 73 نشستیں حاصل کی ہیں تاہم وہ اکیلے حکومت بنانے کی پوزیشن میں نہیں ۔انتخابات کو پانچ ماہ گزرنے کے باوجود ، سیاسی جماعتوں کے درمیان حکومت سازی کے معاملے پر اتفاق نہیں ہوسکا ہے اور ملک کو بدستور عبوری حکومت کی نگرانی میں چلایا جارہا ہے۔
