Raza Musani 
تہران : ایران اور امریکا کے درمیان معاہدے کے مسودے کو حتمی شکل دینے کے لیے سنجیدہ کوششوں میں تیزی آگئی ہے۔ معاہدے کا حتمی مسودہ تکمیل کے قریب پہنچ گیا۔ پاکستانی وزیر داخلہ محسن نقوی چوبیس گھنٹے کے اندر دوسری بار اہم دورے پر تہران پہنچے اور ایرانی قیادت سے ملاقاتیں کیں۔ عرب میڈیا کے مطابق محسن نقوی نے معاشی پابندیوں میں محدود نرمی سے امریکا کی لچک سے آگاہ کیا۔ انہوں نے بتایا کہ امریکا جوہری اور آبنائے ہرمز کے معاملے پر کوئی رعایت دینے کو تیار نہیں۔ عرب میڈیا کے مطابق ایران اب بھی مستقبل میں کسی بھی حملے کو روکنے کے حوالے سے امریکی ضمانتوں کو ناکافی سمجھتا ہے۔ عرب میڈیا کا مزید کہنا ہے کہ مسودہ پر اتفاق کے بعد مذاکرات کا اگلا دور حج سیزن کے بعد اسلام آباد میں ہوگا۔ ایرانی وزارت خارجہ کے ترجمان نے کہا ہے کہ تہران امریکا کے ساتھ بالواسطہ مذاکرات میں سنجیدگی اور نیک نیتی کا مظاہرہ کر رہا ہے۔ انہوں نے واضح کیا کہ ایران کو اب بھی امریکا پر گہرا شک اور عدم اعتمادہے، تاہم سفارتی رابطے جاری رکھے جا رہے ہیں۔
