برطانیہ میں فسادات کے اثرات برسوں تک محسوس کیے جائیں گے، وزیر انصاف

لندن : برطانیہ میں فسادات نے حکومت کو ہلا کر رکھ دیا ہے۔ وزیر انصاف شبانہ محمود نے کہا کہ حالیہ فسادات کے اثرات آنے والے مہینوں اور سالوں تک محسوس کیے جائیں گے۔ فسادیوں کو تیزی سے سزا دینے کے چیلنج کی طرف بڑھنا حکومت کے لیے نظام عدل کی تعمیر نو کو مشکل بنادے گا۔ انہوں نے بدامنی میں حصہ لینے والوں کو دوبارہ وارننگ دی۔ اور خبردار کیا کہ اگر آپ خوف پھیلاتے ہیں، یا تشدد میں حصہ لیتے ہیں تو آپ کے خلاف قانون کو پوری طاقت سے استعمال کیا جائے گا۔ شبانہ محمود نے تیز اور حقیقی انصاف کو یقینی بنانے کے لیے پراسیکیوٹرز اور عدلیہ کی تعریف کی۔ تاہم انہوں نے کہا کہ اس نظام کی وجہ سےاس چیلنج کا مقابلہ کرنا مشکل ہو گیا ہے۔ کراؤن کورٹ کے بیک لاگ اور جیلوں کا حوالہ دیتے ہوئے جسٹس سیکریٹری نے کہا کہ یہ ہمیں کنزرویٹو سے وراثت میں ملا ہے۔