Raza Musani 
منی : اس سال حج کے دوران پانچ سو ستتر عازمین کی اموات ہوئی ہیں، بیشتر اموات کی بڑی وجہ اس سال پڑنے والی شدید گرمی تھی۔ گزشتہ سال سعودی حکام نے دو سو چوالیس عازمین حج کی موت کی تصدیق کی تھی۔ مرنے والوں میں سے کم از کم 323 مصری باشندے تھے۔ ان میں سے زیادہ تر گرمی سے متعلقہ بیماریوں کا شکار ہوئے ۔ایک سفارت کار نے مزید کہا کہ مکہ کے المعیسم محلے میں واقع اسپتال کے مردہ خانے میں 550 میتوں کا اندراج کیا گیا۔ سفارت کاروں نے بتایا کہ مرنے والوں میں کم از کم ساٹھ اردنی باشندے شامل ہیں۔ سعودی حکام نے گرمی کا شکار ہونے والے 2,000 سے زائد حجاج کا علاج کرنے کی اطلاع دی تھی۔
