Raza Musani 
صنعا : یمن میں جاری تباہ کن سعودی جنگ کے باعث یمن میں داخلی طور پر بے گھر افراد کی تعداد 50 لاکھ سے تجاوز کرگئی ہے۔ یمنی سپریم کونسل برائے انتظام اور رابطہ کاری برائے انسانی امور اور بین الاقوامی تعاون کی رپورٹ کے مطابق 15 صوبوں میں 51 لاکھ 59 ہزار560 تک جاپہنچی ہے۔ جبکہ بے گھر خاندانوں کی تعداد سات لاکھ 40 ہزار 122 ہوگئی ہے۔ بین الاقوامی تنظیموں سے کردار ادا کرنے کی اپیلوں کے باوجود اب تک 11 لاکھ 68 ہزار بے گھروں کو امداد نہیں ملی ہے۔ ایک کروڑ 70لاکھ افراد اب بھی نہیں جانتے کہ انہیں اپنا اگلا کھانا کہاں سے ملے گا۔ اعداد و شمار کے مطابق تین میں سے دو یمنی اس وقت غذائی عدم تحفظ کا شکار ہیں۔ یمنی خواتین اور بچوں میں غذائی قلت کی شرح دنیا میں سب سے زیادہ ہے۔
