دعا زہرا کے نکاح خواں اور گواہ کی ضمانت مسترد، ظہیر احمد کی حفاظتی ضمانت منظور

کراچی/لاہور : کراچی کی مقامی عدالت نے دعا زہرا کے نکاح خواں اور گواہ کی درخواست ضمانت مسترد کردی۔ ایڈیشنل ڈسٹرکٹ اینڈ سیشن جج شرقی کی عدالت میں مقدمہ کی سماعت ہوئی۔ درخواست گزار نکاح خواں غلام مصطفیٰ اور گواہ اصغر نے موقف اختیار کیا کہ پولیس نے کیس کا سی کلاس چالان پیش کیا اور ہمیں مقدمے سے خارج کرنے کی استدعا کر رکھی ہے ۔ ہماری درخواست ضمانت منظور کی جائے۔ ادھر لاہور ہائیکورٹ نے دعا کے اغوا میں ملوث اس کے مبینہ شوہر ظہیر احمد کی حفاظتی ضمانت منظور کرلی۔