نیتن یاہو کے مجدل شمس کے دورے پر دروز مظاہرین کا احتجاج

تل ابیب : صیہونی وزیراعظم نیتن یاہو کے مجدل شمس کے دورے پر دروز مظاہرین نے شدید احتجاج کیا ۔ نیتن یاہو اسرائیلی زیر قبضہ گولان مجدل شمس پر راکٹ حملے میں ہلاک افراد کے جنازے میں پہنچے تھے۔ اسرائیلی وزیراعظم کی آمد پر مظاہرین نے قاتل نیتن یاہو کے نعرے لگائے۔ سیکورٹی اہلکاروں نے نیتن یاہو کو مظاہرین سے بچاکر نکال لیا۔ صیہونی وزیراعظم نے کھیل کے میدان میں پھولوں کی چادر چڑھائی جہاں یہ حملہ ہوا تھا۔ انہوں نے کہا کہ حزب اللہ میزائل حملے کی بھاری قیمت ادا کرے گی۔ مجدل شمس حملے کے بعد اسرائیل اور حزب اللہ کے درمیان مکمل جنگ شروع ہونے کے خدشات بڑھ گئے ہیں۔