یمن سے سعودی عرب میں عسکری ٹھکانے پر ڈرون حملہ

صنعا : یمن سے ایک بار پھر ڈرون کے ذریعے سعودی عرب میں عسکری ٹھکانے کو نشانہ بنایا گیا۔ ابہا ائرپورٹ کے قریب ڈرونز حملے میں 12 افراد زخمی ہوگئے۔ سعودی حکام کا دعوی ہے کہ ڈرون کو فضا میں ہی تباہ کردیا گیا ادھر یمنی افواج کے ترجمان جنرل یحیی سریع نے اعلان کیا ہے کہ یمنی مسلح افواج و عوامی مزاحمتی فورسز نے صوبہ حجہ کی فضائی حدود میں جارح سعودی فوجی اتحاد کا ڈرون مار گرایا ہے۔ ڈرون کو ایک جدید ایئر ڈیفنس میزائل سسٹم کے ذریعے سرنگوں کیا گیا۔