شام میں ترک نواز تکفیری گروپ آپس میں لڑ پڑے، درجنوں دہشت گرد ہلاک اور زخمی

دمشق : شام کے شمال مشرقی صوبے حسکہ میں ترک حمایت یافتہ تکفیری گروپوں کی آپس کی لڑائی میں کئی دہشت گرد ہلاک اور زخمی ہوگئے۔ ان گروپوں کے درمیان لڑائی اپنے زیر کنٹرول علاقوں پر گرفت مضبوط کرنے کیلئے ہوئی۔ یہ لڑائی امریکا اور ترکی کے تربیت یافتہ اور ہتھیار سے لیس کئے گئے نام نہاد فری سیرین آرمی کے حمزہ ڈویژن کے درمیان راس العین شہر کے مضافاتی علاقے تل ارقم ہوئی۔ دونوں گروپوں نے بھاری مشین گنوں اور نیم بھاری ہتھیاروں کا استعمال کرتے ہوئے ایک دوسرے کی پوزیشنوں پر شدید حملہ کیا۔ اس کارروائی میں متعدد تکفیری ہلاک اور زخمی ہوئے۔ انقرہ کے حمایت یافتہ عسکریت پسندوں کو اکتوبر 2019 میں شمال مشرقی شام میں تعینات کیا گیا تھا۔ شام کے صدر بشار الاسد اور دیگر اعلیٰ حکام نے کہا ہے کہ دمشق عرب ملک کے شمالی حصے میں ترک افواج کی جانب سے جاری زمینی کارروائی کا دستیاب تمام جائز ذرائع سے جواب دے گا۔