Raza Musani 
غزہ : جنگ بندی کے باوجود اسرائیل نے فضائی اور زمینی حملے کرکے پولیس اہلکاروں سمیت چودہ فلسطینی شہید اور متعدد زخمی کردئے۔ خان یونس کے علاقے مواصی میں پولیس کی ایک گاڑی کو فضائی حملے کا نشانہ بنایا گیا اس حملے میں آٹھ فلسطینی شہید اور متعدد زخمی ہوئے۔ شیخ رضوان پولیس اسٹیشن کے قریب اسرائیل کے طیاروں نے پولیس کے ایک دستے کو نشانہ بنایا جس کے نتیجے میں دو اہلکار شہید اور زخمی ہوئے کمال عدوان اسپتال کے قریب دو گھروں پر گولہ باری سے دو سگے بہن بھائی سمیت چار فلسطینی شہید ہوئے۔ بیت لاہیہ میں فائرنگ کرکے کئی فلسطینیوں کو زخمی کردیا گیا۔
