Raza Musani 
جدہ : اسلامی تعاون تنظیم او آئی سی کا ہنگامی اجلاس پیر کو سعودی عرب میں طلب کیا گیا ہے۔ اجلاس میں بیت المقدس اور مسجد اقصیٰ میں موجودہ کشیدہ صورت حال پرغور کیا جائے گا۔ اجلاس میں مسجد اقصیٰ میں کشیدگی اور روزمرہ صیہونی حملوں کے دوران اس کے دروازوں کو بند کر کے انتہاپسندوں اور قابض اسرائیلی کی افواج اور اس کے اندر عبادت کرنے والوں کے حملوں کی روک تھام کے لیے اقدامات کیے جائیں گے۔او آئی سی کے سیکریٹری جنرل حسین ابراہیم طہ نے کئی فعال بین الاقوامی جماعتوں کے ساتھ رابطے اور مشاورت کی۔ او آئی سی نے القدس میں اسرائیلی ریاستی تشدد کی مذمت کی ہے۔انہوں نے کہا کہ القدس کی موجودہ صورت حال کے پیش نظر عالمی برادری ، مسلم امہ اور عرب ممالک کو اپنا کردار ادا کرنا چاہیے اور القدس کی تاریخی اور قانونی حیثیت کے حوالے سے اسرائیل کو پابند بنانا ہوگا
خیال رہے کہ حالیہ ایام میں بیت المقدس میں اسرائیلی فوج اور یہودی آباد کاروں کی بڑی تعداد مسجد اقصیٰ میں گھس کر مقدس مقام کی بے حرمتی کی اور فلسطینی شہریوں پر وحشیانہ تشدد کیا۔
