Raza Musani 
واشنگٹن : امریکی ڈیموکریٹس ارکان نے اسرائیل کے خفیہ جوہری پروگرام پر ابہام ختم کرکے اسے تسلیم کرنے کا مطالبہ کردیا۔ تیس ڈیموکریٹس ارکان نے سیکریٹری خارجہ مارکو روبیو کے نام خط میں مؤقف اختیار کیا کہ امریکا ایک ایسے اتحادی کے ساتھ جنگ میں شریک ہے جس کے خفیہ جوہری ہتھیاروں کو باضابطہ طور پر تسلیم ہی نہیں کیا جاتا۔ خط میں کہا گیا کہ سرکاری ابہام کی پالیسی مشرق وسطیٰ میں عدم پھیلاؤ کو ناممکن بناتی ہے۔ موجودہ حالات میں ابہام برقرار رکھنا خطرناک ہے۔ ارکان کے مطابق یہ ابہام ایران، سعودی عرب اور دیگر ممالک کے فیصلوں پر بھی اثر انداز ہو رہا ہے، جس سے خطے میں کشیدگی بڑھنے کا خدشہ ہے۔ اسرائیل کے جوہری پروگرام پر خاموشی خطے میں عدم پھیلاؤ کی پالیسی کو غیر مؤثر بناتی ہے۔
