Raza Musani 
مسقط : عمان نے یمن کی تحریک انصار اللہ کو دہشت گرد گروہ قرار دینے کی مخالفت کردی۔ عمان کے وزیر خارجہ بدر البو سعیدی نے انصار اللہ کو دہشت گرد قرار دینے کے لئے امریکی اقدامات پر مبنی حالیہ رپورٹوں پر رد عمل ظاہر کرتے ہوئے کہا کہ یہ اقدام، سیاسی کوششوں کو کمزور کر دے گا۔ ہم سب کے مفاد میں ہے کہ جتنا بھی ہو سکے ماحول پر امن رہے، جنگ بندی کے قیام کی کوششیں ہوں اور مذاکرات کے ذریعے سیاسی حل تک پہنچنے کے لئے اپنی توانائی خرچ کی جائے۔ عمان کے وزیر خارجہ کا کہنا تھا کہ ہم کو پورے یمن میں ایک وسیع جنگ بندی کی ضرورت کا احساس ہو رہا ہے، جو یمن اور اس جنگ میں شامل تمام فریق اور دوستوں کو اس بات کی اجازت دے کہ قابل تلافی نہ ہونے والے انسانی نقصانات کی تلافی کے لئے کوششیں کریں۔ ان کا کہنا تھا کہ الحوثی گروہ، سیاسی راہ حل کا ایک اہم حصہ ہے اور اس کو سیاسی عمل میں شریک ہونا چاہئے اور اس کو یمن کے دوسرے طبقے کی طرح باضابطہ طور پر قبول کیا جانا چاہئے کیونکہ ہم چاہتے ہیں کہ وہ بھی سیاسی حل کا حصہ بنے۔
