Raza Musani 
واشنگٹن: امریکی نائب وزیر خارجہ کرٹ کیمبل نے کا کہنا ہے کہ غزہ میں حماس کے خلاف اسرائیل کی فیصلہ کن فتح کا امکان نہیں ہے۔ نیٹو یوتھ سمٹ کے دوران کرٹ کیمبل نے کہاکہ میرے خیال میں ہم فتح کے اسرائیلی نظرئے سے متفق نہیں ہیں۔ جب ہم اسرائیلی حکام کو سنتے ہیں تو وہ بنیادی طور پر میدان جنگ میں مکمل فتح کی بات کرتے ہیں۔ جب کہ مجھے نہیں لگتا کہ ہم یقین سے ایسا دعوی کر سکیں۔ امریکی عہدیدار نے رفح کے خلاف صیہونی حکومت کے جاری حملوں پر واشنگٹن اور تل ابیب کے درمیان ناقابل تردید کشیدگی کا اعتراف کرتے ہوئے کہا کہ ایک ایسے شہر پر حملہ ناقابل قبول ہے جو غزہ جنگ کے پناہ گزینوں سے بھرا ہوا ہے۔
