Raza Musani 
اسلام آباد : حکومت نے عاشور اور چہلم پر تفتان بارڈر سے ایران جانے والوں کیلئے خصوصی انتطامات کرنے کا فیصلہ کیاہے۔ یہ فیصلہ وزیر مملکت محمد ہاشم، وفاقی وزراء ساجد حسین طوری، ریاض حسین پیرزادہ اور عبدالرحمٰن کانجو نے ایک اجلاس میں کیا۔ اجلاس میں تفتان بارڑر سے جانے والے زائرین کے انتظامات کا جائزہ لیاگیا۔ اجلاس میں کہا گیا کہ عاشور اور چہلم کے موقع پر زائرین کی ایک بڑی تعداد تفتان بارڈر پر موجود ہوتی ہے۔ لہٰذا انکی حفاظت کو یقینی بنانا اور ہر ممکن سہولت مہیا کرنا حکومت پاکستان کی اولین ترجیح ہے۔
