Raza Musani 
دمشق: شام کی عدالت نے سابق صدر بشارالاسد اور ان کے سکیورٹی عہدیدار عاطف نجیب کو سزائے موت سنادی۔ معزول صدر بشار الاسد کو ان کی غیر موجودگی میں سزا سنائی گئی۔ سابق شامی صدر بشار الاسد کو ملک کی خانہ جنگی کے دوران جنگی جرائم اور انسانیت کے خلاف جرائم کے الزامات میں مجرم قرار دیا گیا ہے۔ سزائے موت سنائے جانے کے وقت عاطف نجیب کمرہ عدالت میں موجود تھے اور انہوں نے ملزمان کا مخصوص لباس بھی پہن رکھا تھا۔ عاطف نجیب شامی فوج میں بریگیڈیئر جنرل کے عہدے پر بھی فائز رہے اور اسد دور میں 2011 میں وہ شام کے صوبے دارا کے پولیٹیکل سکیورٹی برانچ کے سربراہ تھے، ان پر دارا میں کریک ڈاؤن کرنے کا الزام ہے جو بعد میں خانہ جنگی کی وجہ بنا۔ بشار الاسد تختہ الٹے جانے پر روس روانہ ہو گئے تھے۔
