کورونا وائرس کا خاتمہ نہیں ہوا، مزید اقسام سامنے آئیں گی، عالمی ادارہ صحت

جوہانسبرگ : عالمی ادارہ صحت کی چیف سائنسدان سومیا سوامی ناتھن نے کہا ہے کہ کورونا وائرس کی وبا کا خاتمہ ابھی تک نہیں ہوا ہے، اس کی مزید اقسام بھی سامنے آئیں گی۔ عالمی ادارہ صحت کی چیف سائنسدان سومیا سوامی ناتھن نے کہا کہ ہم نے کورونا وائرس کو بدلتے ہوئے دیکھا ہے اس لیے کہہ رہے ہیں کہ اس کی مزید اقسام آئیں گی۔ اس میں تبدیلی بھی آئے گی اور یہ زیادہ تیزی سے منتقل ہوں گی۔ اس لیے کورونا وائرس کی وبا کے خاتمے پر نہیں۔ عالمی ادارہ صحت نے گذشتہ برس بھی کہاتھا کہ کورونا وائرس کی نئی اقسام پھیلنے کا امکان ہے۔ گذشتہ برس کورونا وائرس کی قسم ڈیلٹا کی وجہ سے دنیا بھر میں کافی لوگ متاثر ہوئے تھے جبکہ لاکھوں افراد ہلاک ہوئے تھے۔ماہرین کا کہنا ہے کہ ڈیلٹا کی بنسبت اومی کرون کے کم اثرات ہیں۔