Raza Musani 
جنیوا : ایران میں جنگی جرائم کی نشاندہی کرنے والے اقوامِ متحدہ کے مشن کی رپورٹ کے بعد امریکا اقوامِ متحدہ کی انسانی حقوق کونسل سے دستبردار ہو گیا۔
یہ اقدام اقوامِ متحدہ کے مشن کی جانب سے اس بیان کے ایک دن بعد اٹھایا گیا جس میں کہا گیا تھا کہ اس بات پر یقین کرنے کی معقول وجوہات موجود ہیں کہ امریکی افواج نے ایران میں شہری مقامات پر کیے گئے دو حملوں کے دوران جنگی جرائم کا ارتکاب کیا۔ امریکی محکمہ خارجہ نے اعلان کیا کہ واشنگٹن نے کونسل میں اپنی رکنیت اور شرکت ختم کر دی ہے۔ امریکہ نے کونسل پر الزام عائد کیا کہ وہ امریکا مخالف بیانیے کو فروغ دیتی ہے اور ایسی حکومتوں کے تئیں حد سے زیادہ نرم رویہ اختیار کرتی ہے جن پر اپنی عوام کو دبانے کے الزامات ہیں۔
یہ فیصلہ ایسے وقت میں کیا گیا ہے جب کونسل جنیوا میں اپنا 63 واں باقاعدہ اجلاس منعقد کر رہی ہے، یہ اجلاس 7 ستمبر کو شروع ہوا تھا اور 7 اکتوبر تک جاری رہے گا۔مشن نے ایران کے شہر میناب کے اسکول شجرہ طیبہ اور اسپورٹس اسٹیڈیم پر میزائل گرانے کو جنگی جرائم قرار دیا تھا۔
