سچائی کی تصدیق، دعا زہرا کی عمر 15 سال کے قریب ہے، میڈیکل بورڈ کی رپورٹ

کراچی : میڈیکل بورڈ نے دعا زہرا کی عمر 15 سال سے 16 سال کے درمیان قرار دیدی۔ دعا زہرا کی عمر کے تعین کے لیے محکمۂ سندھ نے 10 رکنی میڈیکل بورڈ تشکیل دیا تھا۔ بورڈ کی جانب سے عدالت میں جمع کرائی گئی رپورٹ میں دعا زہرا کو نابالغ قرار دیا گیا ہے۔ رپورٹ کے مطابق دعا زہرا کی عمر کے تعین کے لیے بتیسی، کلائی اور کہنی کے ایکسرے کیے گئے تھے۔ رپورٹ کے مطابق دعا زہرا کے جسمانی معائنے کے مطابق اس کے جسم کی عمر 14 سے 15 سال کے درمیان ہے۔ اس کے دانتوں کی عمر 13 سے 15 سال ہے۔ جبکہ اس کی ہڈیوں کی عمر 16 سے 17 سال ہے۔ بورڈ کے تمام دس ارکان نے متفقہ طور پر یہ نتیجہ اخذ کیا ہے کہ دعا زہرا کی عمر 15 سے 16 سال کے درمیان اور 15 سال سے نزدیک تر ہے۔ حتمی رپورٹ پر چیئرمین سمیت 10 ممبران کے دستخط موجود ہیں۔ اسے سے پہلے طبی معائنہ میں دعا زہرا کی عمر 16 سے 17 سال کے درمیان ظاہر کی گئی تھی۔