Raza Musani 
تل ابیب : صیہونی حکومت سے تعلقات کے قیام کی ایک اور کوشش سامنے آگئی۔ اسرائیلی صدر اسحاک ہرزوگ نے تصدیق کی ہے کہ گزشتہ ہفتے ان سے 2 وفود نے ملاقات کی وفد میں دو ایسے پاکستانی شہری بھی شامل تھے جو مستقل طور پر امریکا میں مقیم ہیں لیکن انھیں پاکستانی ہونے پر فخر ہے۔ پاکستانی وفد سے ملاقات بے حد خوش آئند رہی۔ مجھے خوشگوار حیرت بھی ہوئی کیوں کہ اس سے قبل کبھی پاکستانی وفد سے اسرائیل میں ملاقات نہیں ہوئی تھی۔ اسے سے پہلے پاکستان نژاد امریکی شہری انیلا احمد نے 12 مئی کو اسرائیلی صدر کے ساتھ ملاقات کی تصویر ٹوئٹر پر شیئر کی تھی۔ جس میں وہ اپنے والد قطب الدین احمد کی تحریک پاکستان اور قائد اعظم پر لکھی گئی کتاب اسرائیلی صدر کو پیش کر رہی ہیں۔ جس سے واضح ہوتا ہے کہ وفد میں وہ بھی شامل تھیں۔ جبکہ پی ٹی وی کے اینکر وقار قریشی کی وفد میں شمولیت کی بھی تصدیق ہوئی ہے۔ اس وفد کو اسرائیلی حمایت یافتہ ادارے شراکہ نے اسپانسر کیا تھا۔ شراکہ نے بھی اپنے آفیشل اکاؤنٹ سے ملاقات کی تصدیق کی تھی۔ اس وفد میں جنوبی ایشیا سے تعلق رکھنے والے مسلمان اور سکھ شامل تھے۔
