Raza Musani 
ماسکو : روس امریکا مذاکرات ناکام ہونے کے بعد یوکرائن کا تنازع شدت اختیار کرگیا ہے اور جنگ کے بادل منڈلانے لگے ہیں امریکا نے مہلک ہتھیاروں کی 90 ٹن وزنی کھیپ یوکرائن کے دارالحکومت کیف پہنچادی ہے ،جب کہ روس نے بھی سرحد کے قریب اپنی فوج کی صف بندی کرنا شروع کردی ہے۔ اور بڑے پیمانے پر مشقیں کی جارہی ہیں
امریکا نے ایسٹونیا کو بھی امریکی ساختہ ہتھیار یوکرائن کو فروخت کرنے کی اجازت دے دی ہے، تاہم جرمنی نے روس سے جنگ کے تناظر میں یوکرائن کو ہتھیار دینے سے انکار کردیا۔ جرمنی نے اسٹونیا کو بھی جرمنی میں بنائے گئے ہتھیار یوکرائن کو فروخت کرنےسے روک دیا ہے اسٹونیا اور لیٹویا نے ممکنہ روسی حملے کی صورت میں یوکرائن کی مدد کرنے کا اعلان کر رکھا ہے۔
