سویدا میں جھڑپیں پورے خطے کے لیے خطرہ ہیں، ترک صدر

انقرہ: شامی حکومت کے سرپرست رجب طیب اردوان نے روسی ہم منصب پیوٹن سے ٹیلی فونک رابطے میں کہا ہے کہ سویدا سے شامی افواج کے انخلاء کے بعد ہونے والی جھڑپیں پورے خطے کے لیے خطرہ ہیں۔
شام کو عدم استحکام سے دوچار کرنے والے ترک صدر اردوان نے دعویٰ کیا کہ ترکیہ کا مقصد شام میں استحکام اور سلامتی کو یقینی بنانا اور اس کی بحالی کی حمایت کرنا ہے۔ یہ ضروری ہے کہ اسرائیل شام کی خودمختاری کی خلاف ورزی نہ کرے۔ اس سے پہلے ترک صدر نے شام کےنام نہاد صدر احمد الشرع سے ٹیلیفون پر گفتگو میں اسرائیلی حملوں کی مذمت کی۔اسرائیلی جارحیت پورے خطے کا سب سے بڑا مسئلہ بن چکی ہے، اسرائیل پر بھروسہ کرنے والے بالآخر سمجھ جائیں گے وہ غلطی پر ہیں۔ اردوان نےکہاکہ شام کو تقسیم ہونے دیا نہ ہونے دیں گے۔ اسرائیل ایک دہشت گرد ریاست ہے، اسرائیل نے شام میں جارحیت کو وسعت دینے کیلئے دروز قبائل کی مدد کا بہانہ بنایا۔