مغربی کنارے میں بچوں کی اموات میں تین گنا اضافہ، اقوام متحدہ

نیویارک : اقوام متحدہ نے کہا ہے کہ مغربی کنارے میں بچوں کی اموات میں تین گنا اضافہ ہوگیا ہے۔ اقوام متحدہ کے ترجمان اسٹیفن دوجارک نے کہا کہ بگڑتی ہوئی صورتحال کاخمیازہ بچے برداشت کر رہے ہیں۔ گذشتہ سال سات اکتوبر کے بعد سے مغربی کنارے میں ہرہفتے اوسطاً چار فلسطینی بچے مارے جا رہے ہیں۔ انہوں نےمقبوضہ مغربی کنارے میں غیر قانونی اسرائیلی آباد کاروں کے تشدد کی نشاندہی کی۔ دوجارک نے مزید کہا کہ تشدد کے ذریعے فلسطینی بچوں کوبے گھرکرنےکا سلسلہ جاری ہے۔ان کا کہنا تھا کہ آبادکاروں کے تشدد اور دھمکیوں کے نتیجے میں بے گھر ہونیوالے سترہ سو سے زائد فلسطینیوں میں نصف بچے ہیں۔