Raza Musani 
چمن: چمن میں پاک افغان بارڈر باب دوستی کو ایک ہفتے بعد دوبارہ کھول دیا گیا۔ باب دوستی کو کھولنے کا فیصلہ پاکستان اور افغانستان کے سول و ملٹری سرحدی حکام نے مذاکرات کے دوران کیا۔ حکام کے درمیان باب دوستی پر ہنگامی فلیگ میٹنگ میں انتشار پسندی کی کوشسوں کو ناکام بنانے کا عزم ظاہر کیا گیا اور فیصلہ کیا گیا کہ سرحد کے دونوں جانب غیر مسلح اہلکار تعینات کئے جائیں گے۔ افغان حکام نے ملزمان کو ہرصورت میں گرفتار کرکے قانون کے مطابق سزا دینے کی یقین دہانی کرائی۔ گذشتہ اتوار کو افغانستان کی جانب سے فائرنگ کے واقعہ میں ایف سی اہلکار شہید اور 2 زخمی ہوگئے تھے۔ بارڈر کو معمول کی دوطرفہ ٹریڈ اور پیدل آمدورفت کیلئے کھول دیا گیا ہے۔
