Raza Musani 
راولپنڈی: ایف آئی اے نے فارن فنڈنگ کیس میں عمران خان سمیت پانچ رہنماؤں، نجی بینک منیجر اور پی ٹی آئی کی فنانشل ٹیم پر مقدمہ درج کرلیا۔ایف آئی اے کمرشل بیکنگ سرکل اسلام آباد میں درج مقدمے میں پی ٹی آئی کی مرکزی قیادت سمیت چھ رہنماؤں کو نامزد کیا گیا ہے جن میں چیئرمین پی ٹی آئی عمران خان، سینیٹر سیف اللہ نیازی، سردار طارق، سید یونس، عامر کیانی، طارق شفیع شامل ہیں جبکہ نجی بینک منیجر سمیت پی ٹی آئی کی فنانشل ٹیم کے متعدد ارکان کو بھی نامزد کیا گیا ہے۔ایف آئی اے کے ذرائع نے مقدمہ درج کرنے کی تصدیق کی ہے اور کہا ہے کہ تحقیقات جاری ہیں، ملزمان نے فارن ایکس چینج ایکٹ کی خلاف ورزی کی، ملزمان نجی بینک اکاونٹ کے بینیفیشری تھے، بینک اکاؤنٹ میں ابراج گروپ سے بھی 21 لاکھ ڈالر آئے۔ ایف آئی اے ذرائع کے مطابق تحریک انصاف نے عارف نقوی کا الیکشن کمیشن میں بیان حلفی جمع کرایا، ابراج گروپ کمپنی نےتحریک انصاف کے اکاؤنٹ میں پیسے بھیجے، ووٹن کرکٹ کلب سے دو مزید اکاؤنٹ سے رقم وصول ہوئی، نجی بینک کے سربراہ نے مشتبہ غیر قانونی تفصیلات میں مدد کی۔پاکستان تحریک انصاف نے عمران خان کے خلاف فارن فنڈنگ کیس کا مقدمہ درج کرنے کے اقدام کو عدالت میں چلینج کرنے کا اعلان کردیا۔اسلام آباد ہائی کورٹ میں درخواست دائر کی جائے گی۔
