Raza Musani 
واشنگٹن: کیپٹل ہل پر حملے میں ہلاک پولیس اہلکار کے اہل خانہ نے سابق صدر ڈونلڈ ٹرمپ کے خلاف مقدمہ درج کردیا۔ 42 سالہ پولیس اہلکار برائن سِکنِک کے خاندان نے واشنگٹن کی ضلعی عدالت میں مقدمہ درج کرایا ہے۔ مقدمہ میں الزام لگایا گیا ہے کہ کیپٹل ہل کی صورت حال ڈونلڈ ٹرمپ کے الفاظ کا نتیجہ تھی۔ ان کے الفاظ کے بعد جو تشدد ہوا اس سے کئی لوگ زخمی ہوئے جن میں سِکنِک بھی شامل تھے۔ اہلکار کی موت کے علاوہ ٹرمپ پر سِکنِک کے شہری حقوق کی خلاف ورزی کا الزام بھی لگایا گیا ہے اور ایک کروڑ ڈالر کا ہرجانہ طلب کیا گیا ہے۔
