Raza Musani 
غزہ : صیہونی فوج نے غزہ کے جبالیہ کیمپ۔ یورپین اسپتال اور اطراف میں میزائلوں کی بارش کرکے چوہتر فلسطینی شہید اور درجنوں زخمی کردئے۔ صیہونی فوج نے جبالیہ کیمپ میں چار مختلف مقامات پر میزائل حملے اور بمباری کی۔ وحشیانہ حملوں میں خواتین اور بچوں سمیت چھیالیس فلسطینیوں کو شہید اور کئی کو زخمی کردیا گیا۔ درجنوں افراد تباہ مکانات کے ملبے تلے دب گئے۔ اس سے پہلے صیہونی جنگی طیاروں نے خان یونس میں یورپین اسپتال اور اطراف میں بھی بم برسادئے۔ جس کے نتیجے میں اٹھائیس فلسطینی شہید کردئے گئے۔
اسرائیلی توپ خانے نے رفح۔ نصیرات کیمپ اور دیگر مقامات پر بھی حملے کئے جس کے نتیجے میں قیمتی جانیں ضائع ہوئیں۔
