Raza Musani 
غزہ : صیہونی فوج نے پوری رات خان یونس پر بمباری اور گولہ باری کی۔ حملے میں طبی عملے کے رکن سمیت تین افراد شہید اور کئی زخمی ہوگئے۔ رفح۔ دیرالبلاح اور المغازی پر بھی فضائی حملے کئے۔ چوبیس گھنٹوں میں شہدا کی تعداد 25 ہوگئی جبکہ کئی زخمی ہوئے۔ مجاہدین کے حملے میں ایک صیہونی فوجی ہلاک ہوگیا۔ شہدا کی مجموعی تعداد انتالیس ہزار سات سو نوے تک پہنچ گئی۔ صیہونی فوج کے غزہ میں اسکول پر مہلک فضائی حملے کے بعد مزید علاقے خالی کرنے کے احکامات دے دیے۔ مشرقی خان یونس سے اب تک پچھتر ہزار افراد نقل مکانی کرچکے ہیں۔
ادھرحماس نے جنگ بندی مزاکرات کیلئے وفد قاہرہ نہ بھیجنے کا فیصلہ کرلیا۔ حماس ترجمان کا کہنا ہے کہ دوجولائی کو طے پانے والے معاہدے پر عملدرآمد یقینی بنایا جائے۔
