Raza Musani 
غزہ : صیہونی فوج کے حملوں میں کوئی وقفہ نہیں آیا۔ آج صبح سے جاری حملوں میں مزید اٹھائیس فلسطینی شہید اور کئی زخمی ہوگئے۔ صیہونی فوج نے رہائشی عمارتوں۔ اسپتال اور خیمہ بستیوں پر بم برسائے۔ غزہ سٹی میں امداد کیلئے قطار میں کھڑے بے یارومددگار فلسطینوں پر بھی ڈرون سے فائرنگ کی گئی۔ دیر البلاح۔ بیت لاہیہ۔ نصیرات پناہ گزین کیمپ۔ خان یونس غزہ سٹی پر وحشیانہ حملوں میں مزید سترہ فلسطینی شہید اور کئی زخمی ہوگئے۔ جنگی طیاروں نے بیت حنون اور دوسرے علاقوں پر بھی بمباری کی۔
ادھر صیہونی فوج کو القسام بریگیڈ کی جانب سے شدید مزاحمت کا سامنا ہے۔ شمالی غزہ میں القسام بریگیڈ کے حملے میں ایک اور صیہونی فوجی مارا گیا جبکہ تین زخمی ہوئے۔
