برطانوی وزیراعظم کی امریکی صدر جو بائیڈن سے ملاقات

واشنگٹن : برطانیہ کے وزیر اعظم کیر اسٹارمر نے وائٹ ہاؤس میں امریکی صدر جو بائیڈن سے ملاقات کی۔ دونوں رہنماؤں نے یوکرین جنگ پر تبادلہ خیال کیا ۔ روس کے اندر طویل فاصلے تک مار کرنے والے ہتھیاروں کے استعمال کی اجازت دینے پر اتفاق نہیں ہوسکا۔ صدر جو بائیڈن نے کہا کہ روس کے صدر ولادیمر پیوٹن یوکرین جنگ نہیں جیت سکیں گے۔ برطانیہ کے وزیراعظم کیئر اسٹارمر کا کہنا تھا کہ امریکا سے خصوصی تعلق مضبوط کیا جائے گا۔ یوکرین جنگ سے متعلق آئندہ چند ہفتے اور مہینے اہم ہوسکتے ہیں۔