Raza Musani 
کیف: برطانیہ نے یوکرین کو برطانوی ہتھیار روسی سرزمین پر بھی استعمال کرنے کی اجازت دیدی۔ برطانوی فارن سیکریٹری لارڈ کیمرون نے کیف میں یوکرینی صدر ولادیمر زیلنسکی سے ملاقات کی اس موقع پر لارڈ کیمرون نے کہا کہ یہ روس تھا جس نے یوکرین پر حملہ کیا تھا اور یوکرین کو روس پر جوابی حملہ کرنے کا مکمل حق ہے۔ انہوں نے کہاکہ یہ یوکرین پر منحصر ہےکہ وہ برطانوی ہتھیاروں کو کس طرح استعمال کرے۔ اُسے روسی سرزمین پر اہداف کو نشانہ بنانے کا حق حاصل ہے۔ انہوں نےکہا کہ جب تک ضرورت ہو برطانیہ یوکرین کو سالانہ تین ارب پاؤنڈ کے ہتھیار فراہم کرے گا۔ روس نے کیمرون کے بیان کو انتہائی خطرناک قرار دیا ہے۔ روسی وزارت خارجہ کی ترجمان ماریا زاخارووا نے کہا کہ ان کے ریمارکس اس بات کو تسلیم کرنے کے مترادف ہیں کہ مغرب ماسکو کے خلاف ہائبرڈ جنگ میں ملوث ہے۔
