برطانیہ کا غزہ کے زخمی بچوں کو ویزہ دینے سے انکار

لندن : برطانوی حکومت نے غزہ جنگ میں زخمی فلسطینی بچوں کے لیے ویزا جاری کرنے سے انکار کر دیا۔ جبکہ یوکرین کے بچوں اور بڑوں کو بڑی تعداد میں ویزے جاری کئے گئے ہیں۔ مڈل ایسٹ آئی نیوز کے مطابق برطانوی ڈاکٹر اور تنظیمیں جنوری سے پانچ فلسطینی بچوں کو طبی علاج کے لیے برطانیہ لانے کی ناکام کوشش کر رہی ہیں۔ بچے جنگ کے دوران شدید زخمی ہوگئے تھے۔ این جی اوز کے مطابق بچوں کو ماہروں کی نگرانی میں علاج کی ضرورت ہے جو تباہ حال غزہ کے صحت کے نظام میں اب دستیاب نہیں ہے۔ رپورٹ کے مطابق کئی زخمیوں کو قطر، متحدہ عرب امارات، ترکی، اٹلی، فرانس، مالٹا اور امریکہ سمیت دیگر ممالک میں لے جایا جاچکاہے۔ یوکرائنی اور افغان مہاجرین کی مدد کرنے والی سینکوری فاؤنڈیشن کے بانی کرش کنڈیہ نے کہا کہ ہم نے برطانیہ سے ان سب یا ان میں سے اکثریت لینے کو نہیں کہا۔ لیکن غیر معمولی طبی مہارت اور امیر قوم کے طور پر ہمیں اپنا کردار ادا کرنا چاہئے۔