Raza Musani 
کوئٹہ: بلوچستان کے علاقے بارکھان میں بم دھماکے سے چار افراد جاں بحق اور بارہ زخمی ہوگئے۔ دھماکا ضلع بارکھان کے علاقے رکھنی کے بازار میں ہوٹل اور حجام کی دکان کے قریب ہوا۔ جہاں لوگوں کا رش تھا۔ بم موٹر سائیکل میں نصب کیا گیا تھا۔ دھماکے کی آواز دور دور تک سنائی دی اور علاقے میں خوف و ہراس پھیل گیا۔ دھماکے کے نتیجے میں متعدد گاڑیوں، موٹر سائیکلوں اور دکانوں کو بھی نقصان پہنچا ہے۔ زخمیوں میں ایک بچی اور خاتون بھی شامل ہیں۔ لاشوں اور زخمیوں کو رکھنی اسپتال منتقل کیا گیا جہاں دو زخمیوں کی حالت تشویشناک بتائی جاتی ہے۔ جنہیں قریبی ضلع ڈیرہ غازی خان بھیج دیا گیا ہے۔ وزیراعظم شہباز شریف نے دھماکے کی مذمت کرتے ہوئے وزیراعلٰی اور آئی جی پولیس بلوچستان سے رپورٹ طلب کر لی۔
