Raza Musani 
تہران: ایرانی صدر مسعود پزشکیان نے سعودی ولی عہد محمد بن سلمان سے ملاقات کے دوران ان سے مسلمانوں کے اتحاد کی بھاری ذمہ داری اٹھانے کی درخواست کی۔ دونوں رہنماؤں کی یہ ملاقات دوحہ میں عرب اسلامی سربراہی اجلاس کے موقع پر ہوئی۔ ایرانی صدر نے اس بات پر زور دیا کہ اگر اسلامی ممالک متحد ہوں تو اسرائیلی حکومت کسی مسلمان ملک پر حملے یا ایسا سوچنے کی بھی جرات نہیں کرے گی۔ انہوں نے سعودی عرب اسلامی ممالک کے اتحاد کی راہ میں اہم کردار ادا کرسکتا ہے۔ بن سلمان نے اس موقع پر خوشی کا اظہار کیا کہ ایران، سعودی عرب اور ترکیہ جیسے بڑے مسلم ممالک کے درمیان تعلقات بڑھ رہے ہیں۔ انہوں نے زور دیا کہ اسلامی ممالک کو زیادہ بااختیار بننا چاہیے تاکہ وہ اسلامی دنیا میں اپنی آزادی اور وقار کا زیادہ مؤثر طریقے سے دفاع کر سکیں اور صیہونی حکومت کی جارحیت اور زیادتیوں کو روک سکیں۔
