بینی گانٹز کی مطالبات پورے نہ ہونے پر حکومت چھوڑنے کی دھمکی

تل ابیب : اسرائیل کی تین رکنی جنگی کونسل کے رکن بینی گانٹز نے مطالبات پورے نہ ہونے پر حکومت چھوڑنے کی دھمکی دیدی۔
بینی گینٹز نے غزہ کی جنگ سے متعلق اپنا چھ نکاتی منصوبہ پیش کردیا اور اس پر عمل کے لیے 8 جون تک کی ڈیڈ لائن بھی دیدی۔ بینی گینٹز نے دھمکی دی ہے کہ اگر حکومت نے غزہ میں جنگ کے لیے کوئی نیا منصوبہ نہیں اپنایا تو وہ حکومت سے مستعفیٰ ہو جائیں گے۔ یہ اقدام وزیر اعظم نیتن یاہو کو اپنے انتہائی دائیں بازو کے اتحادی پر انحصار کرنے پر مجبور کر دے گا۔ گانٹز نے چھ نکاتی منصوبہ پیش کیا جس میں درجنوں یرغمالیوں کی واپسی، حماس کی حکمرانی کا خاتمہ، غزہ کی پٹی کو غیر فوجی بنانا، شہری امور کے لیے بین الاقوامی انتظامیہ کا قیام شامل ہے۔ انتہائی دائیں بازو کے ان اتحادیوں کا خیال ہے کہ اسرائیل کو غزہ پر قبضہ کرکے وہاں یہودی بستیوں کی تعمیر شروع کر دینا چاہیے۔