لانگ مارچ اسلام آباد پہنچے سے پہلے ہی امپورٹڈ حکومت کا دماغ درست ہو جائیگا، صاحبزادہ حامد رضا

لاہور: متحدہ علماء بورڈ پنجاب اور سنی اتحاد کونسل پاکستان کےچیئرمین صاحبزادہ حامد رضا نے کہا ہے کہ قوم بے حس حکمرانوں کا ضمیر جگانے کیلئے حقیقی آزادی مارچ میں شریک ہوکرآواز حق بلند کرے۔ حکمرانوں سے نجات کیلئے اب آخری حد تک جائیں گے۔انہوں نے کہا کہ شرکا لانگ مارچ حب الوطنی کے جذبے سے سرشار ہیں۔ حقیقی آزادی مارچ قومی امنگوں کا ترجمان ثابت ہوگا۔ آزادی مارچ کے اسلام آباد پہنچنے سے قبل رانا ثنااللہ کی ٹانگیں کانپ رہی ہیں۔ ذہنی مریض کبھی دھمکیاں اور کبھی مذاکرات کی دعوت دیتا ہے۔ انہوں نے کہا کہ لوٹ کھسوٹ میں ملوث حکمرانوں کو عوامی مسائل سے کوئی دلچسپی نہیں۔ استحکام وطن کیلئے ہر طرح کی قربانی دینے کو تیار ہیں۔ حکمرانوں کی الٹی گنتی شروع ہوچکی ہے لانگ مارچ اسلام آباد پہنچے سے پہلے ہی امپورٹڈ حکومت کا دماغ درست ہو جائیگا۔ امپورٹڈ حکومت سیاسی میدان میں عمران خان کا مقابلہ نہیں کر سکتی۔