باقر قالیباف کا سرمایہ کاروں کو امریکا سے سرمایہ نکالنے کا مشورہ

تہران : ایرانی پارلیمنٹ کے اسپیکر باقر قالیباف نے خبردار کیا ہے کہ کشیدگی بڑھنے کی صورت میں امریکی اثاثوں تک رسائی مزید محدود ہو سکتی ہے۔ سرمایہ کار موقع ملتے ہی امریکا سے اپنا سرمایہ نکال لیں۔ باقر قالیباف نے نیویارک ٹائمز کی ایک رپورٹ کا حوالہ دیا جس میں امریکا کی اتحادی معیشتوں کو کرنسی سواپ کے ذریعے مالی مدد دینے پر غور کا ذکر کیا گیا ہے۔ باقر قالیباف نے اپنے بیان میں کہا کہ کرنسی سواپ اور دیگر مالیاتی اقدامات کا مقصد امریکی اثاثوں کی منظم فروخت کو روکنا ہے۔ انہوں نے کہا کہ کچھ بڑے سرمایہ کار اپنی حصص کی فروخت میں غیر اعلانیہ حد بندیوں کا سامنا ہوسکتا ہے۔ قالیباف کے مطابق صورتحال بگڑنے کی صورت میں مالی دروازے بند ہو سکتے ہیں، اس لیے یہ وقت سرمایہ کاروں کے لیے حساس ہے۔