Raza Musani 
کابل : طالبان کی جانب سے خواتین کے کام پر پابندی کے بعد کئی بین الاقوامی این جی اوز نے افغانستان میں کام بند کردیا۔ کام بند کرنے والی تنظمیوں میں سیو دی چلڈرن، نارویجن ریفیوجی کونسل اور کئیر انٹرنیشنل شامل ہیں ۔ ان کا کہنا ہے خواتین ورکرز کو کام سے روکنے کے بعد بچوں اور عورتوں تک رسائی ممکن نہیں۔ خواتین ملازمین نہ ہوتیں تو گزشتہ سال اگست میں بھی امدادی کام ممکن نہ تھے، انہی وجوہات کی بنا پر ایک انٹرنیشنل ریسکیو کمیٹی نامی این جی او نے بھی کام بند کرنے کا اعلان کردیا۔ درجنوں تنظیمیں افغانستان کے دور دراز علاقوں میں کام کرتی ہیں اور ان کا زیادہ ترعملہ خواتین پر مشتمل ہے۔ان میں سے کئی نے متنبہ کیا ہے کہ خواتین ملازمین پر پابندی ان کے کام کو روک دے گی۔
