بحرین میں جمہوری اور آئینی نظام قائم کیا جائے، آیت اللہ شیخ عیسی قاسم

مناما : بحرین کے ممتاز عالم دین آیت اللہ شیخ عیسی قاسم نے بحرین میں آل خلیفہ خاندان کی جگہ جمہوری اور آئینی نظام کے قیام پر زور دیا ہے۔ ایک بیان میں آیت اللہ شیخ عیسی قاسم نے کہا کہ بحرینی قوم کے مطالبات انتہائی اہمیت کے حامل ہیں۔ اور وہ اپنی عوامی مزاحمت کو جاری رکھیں گے جب تک کہ ان کے مطالبات کو پوری طرح سے تسلیم نہیں کیا جاتا۔ انہوں نے معاشرے کے تمام طبقوں کے افراد سے کہا کہ وہ آل خلیفہ حکومت کے غیر منصفانہ اور من مانی اقدامات کے خلاف اپنی جدوجہد میں ثابت قدمی کا مظاہرہ کریں اور متحد رہیں۔ مخلص افراد جبر کے خلاف جدوجہد میں صبر سے کام لیں گے۔ کوئی بھی شخص منجمد بیٹھ کر فاتح نہیں بن سکتا فتح صرف اتحاد اور یکجہتی کے ذریعے حاصل کی جا سکتی ہے۔